|
ظيم الغرور
مساء الخير .. وبكل الود نلتقي
في غرورك وصلت الحدّ كفّ المسير=حاسب ايام عمرك قبل يوم الندم خايف(ن) يوم تندم ياحبيبي كثير=يوم تاطاك دنيا(ن) غرّتك بالقدم خالقك خالقي والله علينا بصير =وكلنا اولاد آدم بين لحم(ن) ودم وطينتك طينتي لو كنت أمير او وزير=وكان تجهل اساسك نطفة(ن) من عدم والله اللي جعلني في غرامك اسير=يوم صوّبت لي من رمش عينك سهم في عيونك حياتي كلّها والمصير=آه ليتك حبيبي في عيوني وهم ياحبيبي صحيح,انك جمالك مثير =وجيش كل الهوى في ناظريك ارتدم وانت منتب بحبي ياحبيبي غرير=مير تاطا السريح عناد من غير هم مابعد شفت من جنسك غني(ن) فقير=جامع(ن) الجمال وخالطه بالغرم فيك من طبع هتلر يالصغير الكبير=تخلق اسباب للهجمات ثم تهجم وانا وياك مثل الحمل هو والبعبر=اتحمل وثقل الحمل يقصم قصم العشاشيق غير وقصتي معك غير=صرت في عالم التعذيب مثل العلم اشرب الغيظ منك وكني اشرب عصير= والمحبه معك حلوه ولكن تسم منك لانيب لامنهك ولاني بخير=بين رشفه وشرقه واحتباسة نسم طال صبري معك والصبر عندي قصير = كم تعلّمت منك اصبر وامدّ العشم والتصبّر على التلويع شي(ن) عسير=يقطع الحب كم يظهد قوي العزم من غرورك وصدّك دوك جرحي خطير =مثل غصن(ن)يبس فيه الخشب وانثلم او كما ليفة(ن) خيطت بحافة حصير=وسّعتها السنين وشلعتها الهمم الليالي سجال وكل شي(ن) يصير=عادة الوقت يصفى يوم ثم يعكم و ساحة الارض مرجع كل طير(ن) يطير= وحق يلقى جزاته كل واحد ظلم |
محمد بن قطنان
صح لسانك وسلم بنانك على هذه القصيدة الرائعه لا هنت ولا هان حضورك الرائع تحياتي |
صح فكرك
محمد بن قطنان دائما فى زود |
حضور متألق ورائع تحياتي لك ولقلمك المبدع |
اخي مازن ..لك شكري وتقديري على المتابعه
وصح بدنك ولك كل الود وبخصوصالقصيده .. ربما يكون للتسرع بصمه عكسيه احيانا آمل من اخي مازن (تعديل بعض المفردات) اللتي في الحقيقه لو شاهدتها في نص لانتقدتها او تجاهلت القصيده والمفردات اللتي اريد تغييرها هي كالتالي 1ـ العنوان : آمل ان يستبدل عنوان القصيده الى (ظيم الغرور) 2ـ استبدال كلمة (طغيان) في البيت العاشر بـــ(من طبع) ولك كل الود والاحترام هذه التغييرات تأتي بشكل طبيعي طالما ان الهدف هو تقدير العاطفة الغزلية اللتي لابد ان تكون اكثر نعومه بأكبر قدر ممكن لاهنت اخي مازن |
رزان ..
مرحبا بك وبطيف ابداعك الذي عطر هذه المساحة العاطفية المتواضعه كل التقدير لك ايته الشاعره |
الشاعر سليمان العقيل
مرحبا ولك كل الود وصح بدنك التألق يسمو بحضورك لك كل ودي وتقديري |
آمل من الاحباب في الاشراف تغيير الاتي في مساحة القصيده
والمفردات اللتي اريد تغييرها هي كالتالي 1ـ العنوان : آمل ان يستبدل عنوان القصيده الى (ظيم الغرور) 2ـ استبدال كلمة (طغيان) في البيت العاشر بـــ(من طبع) |
محمد بن قطنان صح الله لسانك حضور رائع بلاشك أسعدنا حرفك الراقي لاهنت |
في غرورك وصلت الحدّ كفّ المسير=حاسب ايام عمرك قبل يوم الندم خايف(ن) يوم تندم ياحبيبي كثير=يوم تاطاك دنيا(ن) غرّتك بالقدم خالقك خالقي والله علينا بصير =وكلنا اولاد آدم بين لحم(ن) ودم وطينتك طينتي لو كنت أمير او وزير=وكان تجهل اساسك نطفة(ن) من عدم والله اللي جعلني في غرامك اسير=يوم صوّبت لي من رمش عينك سهم في عيونك حياتي كلّها والمصير=آه ليتك حبيبي في عيوني وهم ياحبيبي صحيح,انك جمالك مثير =وجيش كل الهوى في ناظريك ارتدم وانت منتب بحبي ياحبيبي غرير=مير تاطا السريح عناد من غير هم مابعد شفت من جنسك غني(ن) فقير=جامع(ن) الجمال وخالطه بالغرم فيك من طبع هتلر يالصغير الكبير=تخلق اسباب للهجمات ثم تهجم وانا وياك مثل الحمل هو والبعبر=اتحمل وثقل الحمل يقصم قصم العشاشيق غير وقصتي معك غير=صرت في عالم التعذيب مثل العلم اشرب الغيظ منك وكني اشرب عصير= والمحبه معك حلوه ولكن تسم منك لانيب لامنهك ولاني بخير=بين رشفه وشرقه واحتباسة نسم طال صبري معك والصبر عندي قصير = كم تعلّمت منك اصبر وامدّ العشم والتصبّر على التلويع شي(ن) عسير=يقطع الحب كم يظهد قوي العزم من غرورك وصدّك دوك جرحي خطير =مثل غصن(ن)يبس فيه الخشب وانثلم او كما ليفة(ن) خيطت بحافة حصير=وسّعتها السنين وشلعتها الهمم الليالي سجال وكل شي(ن) يصير=عادة الوقت يصفى يوم ثم يعكم و ساحة الارض مرجع كل طير(ن) يطير= وحق يلقى جزاته كل واحد ظلم . . صح لسانك ولاهنت شاعرنا القدير محمد بن قطنان على هذا الرائعة الغير مستغربة من شاعر بحجمك . . دمت بقرب وتقبل فائق تقديري واحترامي |
| الساعة الآن 09:31 PM |
Powered by vBulletin® Copyright ©2000 - 2026
