( ماكن لي ديره ) .. ( ولا حولي اصحاب ) = ( ولا احس بوجودي ) .. إذا صرت غآيب

تعآل .. وينطفي شمع العتب .. واسهر على نورك = تعال .. ويختفي صمت القصيد .. ويبتدي ليلي

أحبك .. من لمحتك في خيالي واتضح دورك = أحبك .. من مسكتك في حياتي وانتهض حيلي
أحبك .. يامعلّمني أعيشك واسكن قصورك = أحبك .. يامسلّمني عروش الحب في جيلي
أحبك .. ياربيع العمر .. إذا وجودك هو زهورك ! = أحبك .. ياخريف الهم .. إذا بعدك مواويلي !
أحبك .. والغلا يكبر مدام انه ورى سورك = أحبك .. والملا يقرى غرامك في تفاصيلي
أحبك .. داخل اوراقي مدام اوراقي سطورك = أحبك .. داخل اعماقي مدامك تعدل فـ / كيلي
أحبك .. والغرور اجمل مدامي صرت مغرورك = أحبك .. والشعور اصدق مدام الحب صافيلي

تعال .. وينطفي شمع العتب .. واسهر على نورك = تعال .. ويختفي صمت القصيد .. ولاتعب حيلي

تصدق .. ماوصفت اللا ملامح ترسم حضورك! = تصدق .. ماعرفت الا وصولك وانوزن هيلي!