السلام عليكم ورحمة الله وبركاته

مساء الورد للجميع

بدعوه نقيه من الأنقياء / فهد الدباسي & محمد الفرحان

معكم اليوم وكلي فخر أن اكون بين نخبة الأسماء اللتي يضمها المنتدى

قصيدة جرحك المليون هي مصافحتي لكم أتمنى أن ترتقي لتطلعاتكم

شاعر الهيل

لاتذكرني غيابـك قبـل اشوفـك ماعرفـت=إن حظي والليالـي ماتسـاوي شـي دونـك
لو بغيت اوصف عذابي راح عمري ماوصفت=منت قاسي بس عيبك ماتبي نـاس ٍ يبونـك !
بين ساعات انتظاري وبين جياتـك وقفـت=أنتظر لحظة وصالك بشتكي لك من جنونـك
آه ياظلم المواعـد كيـف بيدينـك نسفـت=حلم شاعر مات مبطي مات مفتون بعيونـك
أسبح بعكس اتجاهك مادريت اني انجرفـت=لين صار الموت حدي وانت تحسبني اخونك
كل ماعزٌمت اسافر قمت مع نفسي اختلفـت=قلب يحتاج لـدواك وروح تحتـاج لطعونـك
ماكفاك اني أعاني من غيابك يوم اضفـت؟=جرحك المليون كافي لامتى وانت بظنونـك!
كل هذا يا أناني كل هذا ومـا انتصفـت؟=قلبك المغرور غرك يوم بعت اللي يصونك!!
عقب ماخانك زمانك عقب مارحت اكتشفـت=إن مثلي ماتلاقي لـو بغـوا هـم يوهمونـك
ما أبي أفتح جراحك يكفي ماشفـت ونزفـت=تدري اني لك مسامح قبل لا غادر سجونـك
بس لاتطري غيابك واعتبـر ماقلـت لفـت=لنتباهك كان مثلي ماتبـي احيـا بدونـك !!