بداية قلت بسم الله ..وبعـد البسملـة تسليـم= سلام الله على احبابي ..هلا مية صباح الخير
هنا بكتب بعض مني ..عسى يعجبكم التقديـم= مجرد تجربة حلوة .. كذا من داعي التغييـر

أنا سؤالاً مالـه ايـة اجابـة= وانا جواباً صار مصدر تساؤل
يمكنّي أفرح حزن حين الكتابة= أو أني اتشائم بداعـي تفـاؤل

أجمل اللحظات ماودي تمـر= عقب فرقا احباب يجمعني لقا
هذي اللي أعتبرها لي عمر= ماهي ايام التعاسـة والشقـا

وش فيك؟! قووولي ..علام الحال مكسورة؟!= لدي بعينـك.. لعينـي ..بـس.. لاهنتـي
هذا خيالـك؟! او انـي شايفـن صـورة!!= ياويـل حالـي لـو انـك تطلعيـن انتـي

يعني خلاص ... ابتتركيني لحالي = حتى وانا مثلك بعد ميتّاً فيك
من لي بدونك؟!! جاوبيني سؤالي = قلته وانا من لوعتي بس اناديك
سهران انا مانمت ليّه ليالي = تكفين ابغفى لحظة (ن) بين اياديك
طاري غيابك بس لامن طرالي = يلغي وجودك لو عيوني تراعيك
ماللفرح في وسط قلبي مجالي = حتى معاليقه لحزني مماليك
أبكي على وقتن بقربك مضى لي = واليا تعالت ضحكتك يوم احاكيك
أجمل كلام الحب لجلك يقالي = حتى الشعر للغير دايم يغنيّك
كتبت فيك من القصيد الجزالي =ومهما كتبتك يالغلا ما أوفيّك
زين وقوام وفوق هذا دلالي = يااحلا حلا مافيه من هي تحاليك
والله أحبك حب فوق الخيالي = ولابه احدن في حياتي يساويك
ياغالية يفداك من كان غالي = أقولها من قلب صادق ويغليك
أنتي لي الاحباب أول وتالي = وأحلى الأماني في حياتي أمانيك
حالف ولو رحتي بقيتي قبالي = مثل الجهات الأربعة دايم امشيك
كل ماسالتيني انا كيف حالي = تجاوبك عيناً على طول تبكيك
وان كان جيتي يوم تبغي وصالي = باقول لك تكفين واللي يخليك
انا كريم ومن كرام الرجالي = ماارضى عليك انك تخوني مباديك
حتى لو ابقى طول عمري لحالي = روحي عسى الله في حياتك يهنيك..!