|
قصيدة أكتبينى
اكـتـبـيـنـــــي
اكتبيني فوق مراية الصبر تايه عمره دمعة وكلمتين راح يدور في المحاكم عم ولد أسمر وزين كان يغنى (ع) السواقي والسواقي تلف قلبه اللي انفلق (ع) الحيرانين كان بيحلم بس حلمه طير يتيم مالهوش جناح قال كلامه واترفض قال كلامهم واترفض والكلام كشر وبعد جوه كوابيس السكوت كان بيجرى كالصغار (ع) الخطاوى بتترسم الف شمعة تحت بيت كان بيجرى والعرق (ع) الاراضى 0 تبتسم للولاد الشقيانين 0 المحرومين جوه الحكاية المقلقة كان يلملم في الليالي كل آهات البشر والسهر لغته بتخرس لما يشتد الوجع كان بيسرى فوق شفايف المداحين المدد يارب يا صاحب المدد كان بيحكى كان بيشكى كان بيبكى كان بيرسم (ف) السنين اكتبيني جنب منه لحن مس المجروحين اكتبيني (ع) الحيطان والاراضى والسنين اكتبيني واوعى تنسى دمى يسرى جوه طين اكتبيني تانى يامه فوق مراية الصبر تايه راح يدور في المحاكم عن ولد أسمر وزين كان بينده كان حزين |
محمد المتولى
ابحرت بنا في مركب الإحاسيس والمشاعر وفي قمة روعة الحروف والإبداع ننتظر جديدك دوما تحياااااااااااااتي |
حضور راقي
ونص غارق بالجمال ودي وتقديري |
محمد المتولي حضور راقي أسعدنا تواجده دمت بخير |
تباريح أنفاس الشمعة [S]الشمعة اتحرقت خالص ودموعها نشفت على سطرك ومشاعرك ساحت أيامك على قدك وملامحك باهتة مخطوفة بأيادي الخوف والشوف فى مساحة الرؤية متمركز فى البؤر الغايبة لحكايا الجدة المنسية الشاطر وحصانه الابيض ونهاية لبداية النوم مرسوم فى القلب الشاطر مغلوب فى السكة الشوف يتكعبل فى حبال مشدودة ما بين الأبراج الخاينة ومنارة الكدب الموصوم متاريس جوه الأنفاس والصدر يحشرج مكتوم من منعه لزيارة الفجر متاريس حتى الكراريس مرسومة مشانق للبوح مجروح يسقط يتساقط فى البير الساقعة . يتقلب ولا لاقى مايه ولا قاع محتاج لك . خليكى معاه اتسلى بربيعه النابت واتملى دفئك من صبره اتغطر بورقة أحلامه من جسده عبى أوهامك أملاكك .. كرمه فى شرايينه والقلب ده معطوب م الحزن على أرض خريفه فارقيه وبإيده خنقى عصافيره وأرميهم بحروفه الناشفة فوق شجره العريان الواقف فى ميدان الممنوع م النصر مغلوب مستسلم . واضح من صورتك فى جدار الواقع وحنانك لوجودك باهت بيمطر عالكل وسايب فى كيانك بقعة منسية مليانة من دم الحلم اللى دفنته فى أمانى غابت وأحتضرت فوق إيد اليأس وف كونك انت المكتوب شمعاية عايمة فى الريح وهى قايدة ضد التيار فوق ايدك تعطى وتدوب وبتمسح الدمع بروحك مسكون بدنك .. تباريح لو تحزن .احزن واتألم وصراخك يرجع جواك يدميك .. يحبس أنفاسك يشعلها تنور أفكارك أحرقها تانى هتنور السكة وكيانك يضوى تمت محمد جابر محمد متولى نادى ادب قصر ثقافة اسيوط[/S] |
محمد المتولي نصٌ جميل و حضورٌ نسعدُ به و نفرح دمت رائعاً تقبل تحياتي |
حضور متألق ورائع تحياتي لك ولقلمك المبدع |
.
. رائع بأول حضور كاتبنا محمد المتولي ونطمح منك بمزيد من التواصل والمشاركة . . تقبل فائق تقديري واحترامي |
| الساعة الآن 11:29 AM |
Powered by vBulletin® Copyright ©2000 - 2026
