أخترت انا ربي وكبيت خلقه=الواحد اللي كلنا في رجاويه
له الثناء في شام كونه وشرقه=جل الكريم وجل وجهه وطاريه
من بعدها ياناس بالقلب حرقه=والعين تصلى حامي الجمر وتجيه
شفت الغريب وشفت بالناس فرقه=زادت على صدري علوم ومشاريه
هبت على مدخال قلبي وعرقه=ريح الشتات اللي تنثر معانيه
من صاحبٍ نشفق لذكراه شفقه=زين العلوم وكل مافيه يبهيه
طرقت له من شعري الفين طرقه=وأبطا جوابه ماوصل منه تنبيه
حتى عيوني بزرق الجم غرقه=فرقا حبيبٍ غاليٍ ناظرت فيه
البارحه لوح على العين برقه=شفته يناظرني تبسم ثمانيه
جتني على طاريه ضيقه وخنقه=والطيف عيا جرح راعيه يشفيه
والطيف لو يسر على الناس زنقه=ماشفت لك شخص تكاثر بلاويه
العين فيها من سماء الكون زرقه=تشبيهها ماله على الكون تشبيه
والخشم سيف ابن الملوك المفقه=شيٍ يفقه صاحب الجهل تفقيه
والجمرتين اللي تلاقت بدقه=قدم السحاب اللي تخاييل مناشيه
والله عطاه الزين في طول عنقه=عنق الغزال اللي من القتل تعفيه
يا لايمي حلق بيديك حلقه=سبابتين وخلفها أبهام وآخيه
خصر المليح اللي ذبحني بطرقه=هذي وصوفه ياعسا الله يرعيه
ولا جديله شارك الليل فرقه=الليل حالف خصلت الشعر بيديه
صاروا ثلاث ليال والبدر شقه=وجه البدر نور ونور حواليه
شيٍ يخصه ماحدٍ جهل حقه=خل الحسود يفوح كبده وأماعيه
قلته وانا بي من طواريه شهقه=ظامي لوصله حيل ياكثر مدعيه
الماء بعيد ويكفي الطين صفقه=واللي فزع بالطيف يفزع براعيه
وإن كان تبغى الوصف كله فـ(طلقه)=كلمه ولا توفيه ياكيف توفيه
انا اشهد ان الحب مليار علقه=تكوي حشايش خاطر القلب تدميه
واللي يعيش الجو كذبه وصدقه=يشوف فرقٍ كان من قبل يخفيه
خل الحسود اللي تشتدق بشدقه=بغط راسه بالرمل ماحد يبيه