ياليت من يقدر يسوّي لها شيّ=و يشيل عنها ضيقة الصّدر مرّه
يالله يا مخرج من الميّت الحيّ=تنظر لها بعْنايتك و المسرّه
اللي طوَت حالي سبب بعدها طيّ=لها يطير الشّوق مع كل ذرّه
زاد الظّما فيني و هي قطرة الميّ=ما غيرها يبرد من القلب حرّه
حاولت اماشي ذا الزّمن و الزّمن عيّ=عزّي لمن قُشر الليالي تفرّه
غديت مثل اللّي فقد شوفة الضيّ=زودٍ على بلواه عيشته مُرّه
عقب المعزّه صار منسي و مجفيّ=و من أولٍ ينقال لله درّه
مهما بدعت القاف ما اظنّ يكفيّ=الرّابح اللي كفّ خيره و شرّه

صح لسانك





يالدوسري




ونعم




قصيده جزله من رأس ن جزل