|
اسرح مع الهاجس على فكة الريق=وتضيق في عيني وساع البراحي
السلام عليكم وحمة الله وبركاته
في البدايه اقدم اعتذاري الشديد عن هذا الغياب الطويل واقدم لكم هذا النص واتمنى ان يحوز على رضاكم واكرر اعتذاري لكم على غيابي بسبب ظروفي العملية ودمتم
كم لي وانا انحت فوق روس الطواريق=وكم لي وانا اخفي لكن السد باحي وكم لي وانا ارقى نايفات الشواهيق=وياليت قلبي من غثاه استراحي انام واصحى وارجع انام وافيق=لا ارتحت في نومي ولا ارتحت صاحي اسرح مع الهاجس على فكة الريق=وتضيق في عيني وساع البراحي كن الدروب اللي تودي مغاليف=وكني محاصر من جميع النواحي هم(ن)على قلبي مثل هامة طويق=لا احتلت فيه ولاهو اطلق سراحي والموقف اللي سبب لصدري الضيق=واحتل فكري في مساي وصباحي نكران فعلي ياملا زور تلفيق=من واحد(ن)من مقلة العين طاحي حاولت اداري غلطته بس ما اطيق=بعض الغلط جمر(ن)على الكبد فاحي ياليتها او ليتها يا مخاليق=من واحد(ن)دمه هدر مستباحي لكنها بين الهدب والمعاليق=ياكيف اداويها وتبري جراحي والضيقه اللي تزحم الصدر وتويق=بين الحنايا مثل زرق الرماحي كم ليلة(ن)تطري على البال وتعيق=نوم العيون وخاطري مااستراحي وسلامتكم اخوكم/ حسين النجراني |
حسين النجراني حريصون جداً على حضورك و تواجدك و حين نقرأ نصاً كـ هذا نتمنى تواصلك أكثر صح لسانك و لاهنت تقبل تحياتي |
حـ،،،ـينـ النجـرانـيـ
صح نبضكـ قصيده اكثر منـ رائعهـ تـ،،،ـلم يمناكـ ولاهنت ولاهان راسكـ تقبل مروري المتواضع عــ،،،ــآفهـ |
فهد الدباسي
الف شكر على المرور ولا خلا ولا عدم وانا كذلك اشد حرصا على مرورك |
الاخت عسافه
تقبلي شكري وامتناني ومرورك يسعدني |
حضور متألق ورائع تحياتي لك ولقلمك المبدع |
توقفت طويلاً أمام الكثير من الأبيات فيها إحساس جميل وشجن دفين حسين ألف صح لسانك ولا هنت نتمنى تواصلك الدائم |
. . شاعرنا حسين النجراني . . صح لسانك مدد بلاعدد على هذه القصيده الرائعه بروعة حضورك وتواجدك . . . . إبداع ممن إعتدنا منه الإبداع والتميز . . دمت بهذه الشاعريه . . . . . تقبل فائق تقديري واحترامي |
حسين النجراني
من طول الغيبات جاب القصايد وياهلا بك بعد طول غياب وصح لسانك حتى ترضى وتقبل فائق احترامي أخوك / قديم الشوق |
حضور راقي
ونص غارق بالجمال ودي وتقديري |
| الساعة الآن 11:29 AM |
Powered by vBulletin® Copyright ©2000 - 2026
