|
ياطير
هذي قصيدة والدي الشاعر محمد ابن عبدالله البحيح السبيعي
ياطير ياللي في الموارك بلاحيك ................. ياللي نتكس ثم تضف الجناحي تاكل زهور العشب والرب معطيك ................. عشب وصل حده ولابه فياحي نبت من الوسمي تحدر وناصيك ................. نزول من القبله يسوقه رياحي يازين ماينبت ضلعك واراضيك ................. من حد الربوه لفيضة نساحي ملزوم لانبت الحيا فيك لاجيك ................. بعفر ومجاهيم تزيد انشراحي عفر ومجاهيم مع البدو تشفيك ................. لاطالة الشده ولابه مراحي لادرهم الركبي وهي تباريك ................. تطرب ليا احت ندب ولا صياحي ماهي تجود ذي تفهك ورى ذيك ................. صف تبارى مثل ريش الجناحي اتخطم القصياء على اللي تواليك ................. تهوم الارض وللمواطي مداحي ولاجالها الزوار فحلب وتعطيك ................. در به اكبود المراضى صحاحي ويم النشامى والقبايل توديك ................. مربا عها يعرفك سبع النواحي وانته ياراعي الغرس ضاعت هقاويك ................. كافحت مير اليوم عجز الكفاحي مغير تشويه السمايم ويشويك ت................. مره رماد وسايح الجم باحي ياعزتي لك تتعب جسمك واياديك ................. وانته تنقي كل يوم وصباحي لو بعت منه اتمير مهوب مغنيك ................. سطل تبيعه قيمته وش تناحي كانك تطيع الشور والرب هاديك ................. فنحش يابوشالح وطيع اقتراحي خذلك انياق بالبراري تسليك ................. عشر بها خلفات واخرى لقاحي ولاتحسب الدنيا تنقص معانبك ................. مايحسب الدنيا يكود الشحاحي اطرخ مادام الله مع الناس محييك ................. وان مت قالو يابن شالح مباحي |
اقتباس:
الغالي / صالح البحيح .. صح لسانك ولسان الوالد الله يحفظه قصيدة جزلة من شاعر متمكن وجزل شكرا ً لك من الأعماق على هذه القصيدة الشامخة وأعتذر منك في نقل القصيدة لقسم المنقول لكونه المكان المناسب لها وتقبل فائق تحياتي وتقديري أخوك / قديم الشوق |
وصف جميل ومتقن
فاق حد الإبداع أخوي صالح البيحيح صح لسان قايلها وسلم بنان ناقلها نسعد بتواصلك الجميل دائما |
ماعليك زود يا قديم الشوق
والله لا يهينك على كل حال :coolsmiley[1]:والي تسويه راضين فيه انت تفصل وانا نلبس |
معليك زود ياخوي سراب
مع التشجيع الواحد يقدر يجيب كل ماهو جميل وافضل ويقدمه شكراً اخي سراب [ تقبل تحياتي اخوك صالح البحيح] |
صالح البحيح صح لسان الوالد و سلمت يمينك قصيدة فيها من الجزالةِ الكثير تقبل تحياتي |
اخوي فهد الدباسي
مشكور على الاطراء وانتظروا جديد الوالد انشاء الله عماء قريب في منتديات نابع الادبيه اخوك صالح البحيح |
| الساعة الآن 12:53 PM |
Powered by vBulletin® Copyright ©2000 - 2026
