منتديات منابع الأدبية

/

\

السلام عليكم جميعا ً

مجرد فكره فالبدايه و كانت بيتين وهي وليدة اللحظه فعلا ً ..

/

\

[poet font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
بــتـكتيك وخطة (( 4 -4 - 2 )) = حماس مع تركيز وروح الجماعه
--
على اختراق العمق.. ولاالظهيرين=وهجوم ناري مع صلابة دفاعه
--
وضع اللياقه يسمح اللعب شوطين=يبذل من المجهود ساعه وساعه
--
للعشق صانع لعب مـدّ الجناحين=والقلب اخو للعقل حسب الرضاعه
--
العام اشوف الحبّ : - نعمه لـ قلبين ؟=واسمى صفاته.. فـ الوفاء والقناعه؟
--
وزينته بالأحسان..فالعسر واللين؟=مع صادق أحساس الخفوق لـ نخاعه؟
--
ماتت مفاهيم الهوى والمضامين=وخابت رجاوي قلب زاد ألتياعه
--
ماعاد يضخّ العشق وسط الشرايين ؟!=ولاعاد يرجي في المحبه اندفاعه
--
صمت الأحد ما بللّ عروق الأثنين ؟=والوقت مااخلف للتطبّع طباعه
--
خاب الأمل عقب اختلاف الموازيين=حـظ الوصل × العشق ....كذب وخداعه
--
حظه يلاقي الصمّ في سمع الأذنين== وش عاد يفيد الصمّ كثر استماعه!؟
--
ولا فقير ً يقضى الدين بالدين= يطمع حياة الترف ،، ودينه مجاعه ؟!
--
رح في طريقك وانسى شرع المحبين=قلب العنى للهجر رافع شراعه
--
ماعاد لك فالقلب خيل وميادين=ولاعاد لك فالعشق ..شـف ّ وطماعه
--
ماضي الورى مايشكي فقدان غاليين=ولاعاد يفكّـر في كفنه وضياعه
--
الانتظار اقسى من الجرح..هالحين = وخذيت من رجوى انتظارك مناعه
--
لملم شتات الوقت ..واعقد حجاجين=ونشوف من فالوقت يشكي صراعه
--
ويالمترف الميّاس بعدين بعدين = نعرف من اللي داعي الشوق لاعـه
--
واللي على الحرمان والتيه والبين = مع حرّة الاشواق وذكرى الوداعه
--
أشعل قناديل الحزن بين رمشين = ونفسه غذاها الهم ّ عقب القطاعه
--
وان عاش راسي وين ماكنت انا وين=ماامـدّ لك كفّ الرجاء والشفاعه
--
ولا اجرّ الصوت (( خاف الله يازين )) =و(( وين انت ياصوت ً طرب لي سماعه ))
--
مادام يعلى الحاجب الرمش والعين !=مـابعد ضيق الكوون كود اتساعه
--
الحين اشوف الحب :- كلمه وحرفين=حس وشعور ً في حروف الطباعه
--
يفووح شوووقي فوق ورد البساتين =واحصد ثمار الزرع عقب الزراعه
--
يعني اختصار العشق ..مابين قوسين : -=تكتيك وصانع لعب خبره وبراعه
[/poet]

/

\

** // اهداء للنصراويين طبعا ً ..ولفهد الدباسي خصوصا ً :rolleyes:

[poet font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
مادام شات الحارثي كورته زين = ضاعت مع يدين الدعيع كراعه
[/poet] :

:

:

العذر والسموحه

تقبلوا التقدير والتحيّه

اخوكم / عادل :)