جاك حرفي عقب خطك يوم بيحت بكنينه=من خفايا بالضمير وجت تعدد لك قراها
حيث ما شفته وقلته من حروف(ن) لك ثمينه=من بنات الفكر جتنا في خجل تسحب خطاها
ردت علوم(ن)جديده عن خبر لأهل المدينه=رادها عساس حاله مقصده تاخذ قضاها
في علم(ن)عن دخون(ن) فاح ورموزه سنينه=معتق يجدد أماني كل شخص(ن)في حماها
قلت أشباه(ن)بحينه معتبر نادر قرينه=يسترد الحرف أصله لا نطق بروز بهاها
أعلم إن بذور منه إحتواها الكل دينه=واجب التحصيل كاش بلحظة(ن)تسمع نداها
يا بريد بوده الرد ردنا نروده بحينه=يعلم الخالق بأني بكل ما أملك فداها
غصب عن كل من بغاها كنها شاة(ن)سمينه=إلتها من عد يجرد وأذهله زايد ثغاها
اللبن وافر بها والخبز والما في معينه=لمن بغى إن كان يبغي مبتغى منهو بغاها
إنتصح ياللي تناظر فيك من زايد حنينه=الفضا واسع وساحت كل ذره في مداها
زادوا العشاق عاشق شوقهم عنف بسكينه=حين عشقها بواحد أربعه تفقد هواها
عربجي في السابق أعلم كل درب(ن) سالكينه=تذكر ربوعي قصيد(ن)قلته بقاصي قراها
وش بلا الي وردو الشط كل(ن) بحاله رهينه=كل شخص بحاله أدرى قدرته وشهو جداها
عن قصيدي مع جديدي كل درب(ن) واردينه=حاجة(ن) في نفس عبده أنته كل(ن) وعاها
أرجع أردد وأعدد لك عطور الياسمينه=وإن بغيت أعتد حدي كن شعر(ن) لي شداها
حاضر بحاضر حضوري من حضر عاين بعينه=دلة(ن)دلت دلايل يستدل دله شذاها
مقصدي مبدي حنينه ليه باعد عن حسينه=دام عبر في مقاله وإستمع قومه نباها
حرفته طرق السمينه مبعده عن مرخصينه=بيت قاله هم شاله أمتي وشهو بلاها
لا بغى يكرب لسانه قلبه يبدي أنينه=يرسمه شعر يتسطر ليت تاصل مستواها
عابس(ن)من فعل كايد والعرب مستهونينه=الجدا ماله مدى ماداها تلفض غثاها
يستفز شعر(ن) يرزه يفرزه يبرز مبينه=كل طاروق إنطرق به وده يردد صداها
معتزي مامن معزي يعتزي نعزز يمينه=فسرو يالي وعيتو سلسلة ماذا دهاها
في ختامي لك حروفي إصبري لا تعجلينه=لابد يوفي حروفه والعلل يوجد دواها
عيني تناضر لآلي لولها ولول حزينه=ليت ما أصبح حقيقه مقلته ماها عماها