قالت عليك الله فؤادي جرحته=قلت السموحه منك مانيب جراح
أنا كريم الطبع ومثلك تركته=وأنته لئيم الطبع ومني بترتاح
منك القهر والليل ياما سهرته=والقلب موجوع ٍ ومطعون برماح
وأحلى شذى عندي وفيني كسرته=الورد ورد وعطري الورد فواح
وكل مرسى في حنانك عبرته=وأنا خفيف الدم في طبعي مزاح
أحلى قصيدي لِك والله كتبته=ألين بدر الليل وسط البحر طاح
ترى الورق عندي وكله حرقته=وأحلى تحيه لك من هاجس ٍ لاح
كان الصدق مبدأ وأنته سرقته=وألبسته المظهر في صورة وشاح
عجيب أمرك مافي شي ٍ رسمته=أطباعك التزوير وفالوقت فضاح
ماكن لك قدر ٍ عجيبٍ رفعته=ماكن لك وقفه على رؤس الأرماح
وتذكري يابنت وعذري ذكرته=ماعاد يمديني على الوقت مسراح
أصلا ً أنا شاعر وشعري طرحته=أهيم في وادي من الوصف سواح
لاشفت مزيون ٍ في بيت ٍ كتبته=وأشارك الجمهور في كل الأفراح
أنا قصيدي عذب بوصفي سحرته=أطيب من الميّ مع صافي قراح
هاذي نهاية طيرك اللي هجرته=وأطلق عنان الود كما طير جماح
وقالت عليك الله فؤادي جرحته=قلت السموحه منك مانيب جراح

المشاركة الأصلية كتبت بواسطة عبدالعزيز الرقابي (المشاركة 138889) قالت عليك الله فؤادي جرحته=قلت السموحه منك مانيب جراح :gf[1]:

المشاركة الأصلية كتبت بواسطة علي عبدالرحمن الأسمري (المشاركة 138900) صح لسانك ياعبدالعزيز وتسلم يمناك تحياتي

المشاركة الأصلية كتبت بواسطة قديم الشوق (المشاركة 139060) شاعرنا العذب / عبدالعزيز الرقابي صح لسانك وأنا أخوك قصيدة مليئة بالإبداع من شاعر قدير ومتمكن ألف شكر لك من الأعماق وتقبل فائق تقديري

المشاركة الأصلية كتبت بواسطة هاااوي (المشاركة 139090) ان لم يكن عبدالعزيز جراحاً فهو بالتاكيد طبيب شعبي يعرف العلة ويعرف العلاج كتب فاجاد ونظم فابدع كل التحية ياعبد العزيز