بعض الناس ضايع وضايعن جداه
 

بعض الناس مايدري وش لون يقضي وقته يعني ضايع وضايعن جداه خاصة في هالعطله تلقاه اذا قام من النوم الساعة عشر طعش ونص وخمس واخلاقه مهوب تجارية وبس الا مضروبه بزبيرية قديمة طرفها ممسوح
واذا قام ماله نفس ياكل شي ونفسه في طرف خشته مايبي احد يكلمه والصلاة عاد امرها اعظم يجمع على كيفه الظهر مع العصر مع المغرب على اي مذهب او اي مله ما ادري لكن يصلي وعلى الباب يطلع من البيت ويدور له مطعم وياخذ له ذيك الشاورما اللي مارن عليها الجرذي قبله وماكل منها وتبدا عاد سهرت الباشا مع اصدقاء الدجه والرجه وتمتد السهرة الى ماقبل ارتفاع الشمس قيد رمح<<<<<<( واحد متأثر بوقت صلاة العيد) يعني الين يصبح ويفطر كبدة حمار سودا لاعبين عليه يقولون كبدة حاشي معقوله ياناس كل بوفيه تجيها الصبح يقولك فيه كبده حاشي احسبوا كم عدد البوفيات في مدينتكم وكم يذبح في اليوم من حاشي تلقى ان عدد البوفيات اكثر من ما يذبح من الحشوان (جمع حاشي ) هذا اذا افترضنا ان كل بوفيه بتاخذ كبدة حاشي واحد فقط ادري اني ابعدت عن الموضوع نرجع لصاحبنا بعد مايطلع من البوفية يزين له تكبير الوسادة نفسي اعرف ليش سموها تكبير الوسادة بس الظاهر عشان يتقلب واجد المهم الآدمي ذا كيف عايش حياته بس اكل وضحك ونوم كن اهله مالهم حق عليه يجلس معهم ويشوف وش محتاجين ولا يدور له شغل ينفعه احسن من هالحياة اللي بلا فايدة

بقلم : نديم الليل

:

.

:

..]] هو الفائز بالخسارة

وإلا كلنا خلقنا لهدف واحد
ولدينا طموحات أخرى في الحياة نريد تحقيقها

قال سبحانه (( امشوا في مناكبها وكلوا من رزقه))

كل الود [[..

طفلة القمر
مشرفتنا العزيزة لك كل الشكر على تعليقك الراقي
وعلى الفائدة التي احتواها ردك
وتقبلي تحياتي

صحيح اخوي ودعاني الشرقية الكلام هذا لاينطبق على الجميع فقد ذكرت في عنوان الموضوع كلمة( بعض الناس)
ويشرفني ويسعدني ردك على الموضوع
وتقبل خالص تحياتي

نديم الليل


الف شكر ويعطيك الف عافيه موضوع قيم

فعلا موجوده هذه النماذج

وهم يشكل عبأ على أهلهم ومجتمعهم

سحب فلوس من أهلهم بس

الله يهديهم

تقبل فائق الاحترام والتقدير

شكرا لك عسافة
على طيب المرور والرد الجميل كعادتك
وتقبلي تحياتي