|
ما أبي "أضيــّــق خاطرك" وأنت مرتاح
يآصآحبي طآلبكـ خلنَي بــ حـآلي
ما أبي "أضيــّــق خاطرك" وأنت مرتاح ياصاحبي وإن غبت عنك " ليالي " غلاك باقي بــ الحنايا ولا راح تبي أسولف لك ، وش اللي جرالي ؟؟ أخاف يمسح قولنا الصبـــح لا لاح أجل تعال أجلس هنيـّـا قبــالي دام الحطب طاح وكثير العتب طاح لو كل شخص إليا عطيته وفالي ماكان بــ الدنيا حزن ليل وجراح ولو كل غالي قدّر إحساس غالي ماشفت ذاك الدمع من محجره ســاح ولو كل قلب من الحسد جاك خالي مايشتكي من شحّ الأمطار فــــلاّح ولو كل واحد جاك طبعه مثـــالي ماكان بــ الدنيا سجن ناس وإصلاح ولولا الذنوب اللي بـ كبر الجبالي ماكان جيش الكفر لــ بلادنا إجتـــاح ولو الردي يعرف شــ معنى عيالي ماقطّ أبوه بـــ دار الآلآم يـــــــا صاح هذا بعض حزن السنين التوالي طير الحزن مبطي على خافقي ناح ما أقول أن الخير ماله مجالي لآ والذي يفلق من الليل الإصبــــاح لكن هنا بعض الألم ياحلالي وأنا أدري أن العود يوم أحترق فاح أول أقول إني صبور وشمالي واليوم لآ والله أنفجر سدّي وبـــاح ماقلت لك ياذيب خلّني بـ حالي هذا أنت ضقت وأذكرك جيت مرتاح تحياتي لكمـ |
كم أنت رائع ايها العطر.. وما العطر الا من حرفكـ هنا ايها السيد الكريم.. لكنك اشعلت في قلب أنثى بعض الجراح كما في البيت.. ولو كل غالي قدّر إحساس غالي ماشفت ذاك الدمع من محجره ســاح شكر لك بحجم السماء سيدي |
أخي الكريم / عطر الشوق
صح لسانك ولسان شاعرها الشاعر / نواف الفهاد قصيدة جميلة شكرا ً على النقل وقد قمت بنقلها إلى ساحة المنابع الشعبية لكونه القسم المناسب للقصائد النبطية المنقولة وأتمنى في المرات القادمة الإشارة إلى أنها منقولة حفظا ً لحقوق الآخرين .. وتقبل فائق تقديري واحترامي |
عطر الشوق
تسلم على الاختيار والنقل المميز وصح لسان الشاعر المبدع / نواف الفهاد |
قصيدة راااائعة وماعنيها في قمة الاحساس والجمال صح لسان شاعرها نواف الفهاد
وشكرا جزيلا لك اخي عطر الشوق على اختيارك الجميل الذي ينم على ذائقة شعرية متميزة تحياتي لشخصك الكريم |
| الساعة الآن 11:38 PM |
Powered by vBulletin® Copyright ©2000 - 2026
