كتبت هذا الصباح
وهي هنا كما اتت
ابعلنها حداد اليوم وبدفن في حشاك ثنين = عذاب القلب من بعدك .. وهمٍ دايم اشقابه
حداد فيه لهمومي زوال بشوفة الغالين = ووصل ذاب قلبي في رجاه وتعبت ركابه
بعد ماطاب لي وصلك وجا للشعر ذوق وحين = ابمشي في بساتينه وبقطف عذب عنابه
وبهديك القصايد من ضمير ذاق مر البين = بعقد من الفرايد لاجل يزهابك وتزهابه
اصوغ الشعر بغوي به فؤادك ياكحيل العين = ابي تتبع خطا الشاعر وتعرف كل ماصابه
وانا القي لك واسمعك القصايد شفت سر الزين = وشفت رموشك الذبله على وجنتك منسابه
غوا قلبي من عيونك وصرت العاشق المسكين = يبي يرضيك بالغالي ولو يدفع من حسابه
اوفي دين واخذ دين وانت اللي تعرف الدين = وصالك يوفي ديون الغرام وبعدك اسبابه
اخذ حقك وعطني حق حبي مابها بعدين = ابي وصلك وانا لجلك ادوس الموت ما اهابه
وسلامتكم