[محمد الفرحان]

افتح معـي بـاب الاغانـي وغنـي=صوتي حفيفه اتعب القلـب والـروح
خريف عمري حت من صغـر سنـي=روحي وعلمها السهـر لـذة البـوح
حنـا تخاوينـا وانـا كـل ظـنـي=ابدي على رجـم المعاليـق وانـوح
مـدري ظلمتـه خافقـي او ظلمنـي=اثنينـا ياصاحبـي غلطـة جـروح
ياشاطـي اليامـال دنـدن لفـنـي=خذني مابي اعرف على وين بـآروح
طش الغيـاب اليـن يقتـات منـي=حضور يمـلا دلـة الكيـف ويفـوح
بسوقهـا لـلـي غيـابـه فتـنـي=اللي لـه الخفـاق والقلـب مفتـوح
الدمـع وحروفـي لـها يسابقـنـي=والوحشه الي من الوله شادت صروح
كنـه يسيـل بخافـقـي يمتحـنـي=لا مر برقه والسحايـب لـها ضـوح
لـو اليالـي صاحـبـي خبـرنـي=مابعت قلبي له على غيـر مصلـوح
وش حيلتـي يـوم اليالـي اتعبنـي=والروح رجمن والسهر لذتـه بـوح
غير اني افتح بـاب روحـي وغنـي=لو الاغاني صوتهـا ناي مبحوح
يمكن الى منـه قـرا حـرف منـي=يحن قلب ٍ ما شكـى غربـة الـروح

.

.

ياسلام ياسلام شاعرنا الرائع سطام

مشهور

صح لسانك واعتلا شانك على هذا النص

الذي يقطر عذوبة وهذه القصيده الرائعه بروعة

مبدعها . .

.

.

دمت بهذا التميز وهذه الشاعريه ولاعدمنا

تواجدك . . .

.

.

تقبل فائق تقديري واحترامي