[حسين العنزي]

هي لدمعه..قديمه بالوحده ....
كانت هكذا ...

بقهر دمعٍ شرخ عيني مرايا=تشظى شوفي وإخترعت زوايا
غَلس وأثقب بهالوحده واصبني=ونيس يقهقه ؟ إسيولي شفايا
أوسوس تنصت الغرفه؟ مااقوله=واصرخ يبكي شباك الحنايا
أفلل زحمتي ؟ وأكتبني واهدي=شعور يبخر؟ الضيقه هدايا
بقاصييّ احمحم جمره ناحت=لكل جرحٍ ( يدح ) طقه معايا
تعبت أجمع وارتل لحظه خضره=ونشيد الحترشه1 يسلب بقايا
وزهقت اسرق غروب الخطوه ساري=لحالي وهيجنت صرخه ورايا
وملل وأد الحزن ياما دفنته=غثا ويطلع معه حنظل شقايا
ورحى الغيمه؟ إذا يطحن شتاها=تفتت ديمها شوك لظمايا
مكن بردي شحذ وأعطيته (حمه)=دفايا يبسي وإثيابي عرايا
سنيني / سَبحِتِي2 من جاها يلمح=عروقي إخيوطها؟ بأييد الخطايا
ربى فيني سجن ؟ ينبت جداره=بظلام ! إيطّوق الروح المنايا
بعد ماني أكب القمره تطفي=وارتب فجري ؟ قيثارة عزايا
أموت اهناك في خوف الزوايا=كسير ٍ تدمعه غمضة مرايا

الحترشه : هو صوت أكل الجراد للغصن ...
2) سَبحِتِي : هنا أعني (المسباح أو السبحه) ...