[فايز آل بذال]

السلام

هذا بعض من شغب / غضب / تعب

شغـــــب

يا ناس انا صادفت لي ظبي ٍ لعـوب= لا يعجبه فينـي عجيـب ولا عجـب
أصدق صدوق ٍ شفت به واكذب كذوب=هو ظالم ٍ مظلـوم غالـب و انغلـب
لا جيت صوبه ضاع بالزحمه هـروب=وان غبت لحظه صارت لدمعه سبـب
أحيان أشوفـه للهدوء أقـرب دروب=وأحيان اشوفه معتلـي قمـة صخـب
هو مبتسم جـذاب للضحكـه جلـوب=هو ثاير ٍ (بركـان يتفجـر غضـب)
أحيان أشوفه نسمة ٍ حـزة غـروب=وأحيان اشوف إعصار ينذر بالعطـب
كم يعشق السهله وللصعبـه ركـوب=كم مـن جنونـه للنهايـات اقتـرب
فيه الطهاره تسبق أحيـان الذنـوب=فيـه التغنّـج يسبـق احيـان الأدب
في شفته شفت الحلـى كلـه يـذوب=شفت البَـرَدْ يسكـن مغـارات اللهب
فيه الحيا ضمن العذاريب امحسـوب=فيه الخجل ضمن المحاذيـر انحسـب
مرات اشوف اني معه خضت الحروب=مرات أشوف ان الأمن معه استتـب
وياه انا شفـت السلامـه والكـروب=وياه انـا شفـت السعـاده والتعـب
مدري متى ربي علـى قلبـه يتـوب=مدري متى بس ينتهي هـذا الشغـب

وسلامتكم


شاعر الهيل