[ضوى قطر]

عزيزتي نوف...
لي عوده :)

::



اول شي حبيت اشكرج على مواضيعج اللي تطرحينها في اي قسم

دوووم متميزه وتشد الواحد يقراها ويتمعن في كلماتها

نجي الحين لموضوعنا ,,

بالنسبه لي اعتقد ان كل نفس انسانيه فيها جزء من الطيبه وان كان هالجزء في بعض النفوس انعدم لسبب او آخر

ممكن الطيبه يختلف شكلها لكن في الاخير توجد في هالنفس الانسانيه طيبه ممكن انها تظهر حتى لو بينه وبين

نفسه,, بس للاسف اصبحت الطيبه عنوانا للسذاجه وصار الشخص الساذج ضعيف ولازم تستغله بأي صوره,,

صراحه بدى الواحد يخاف يبين طيبته للناس عشان ما يصير موضع استغلال وجسر يعبرون على ظهره للوصول الى

غاياتهم,,ونتيجه طبيعيه بعد استغلال الشخص انكاره,, مثل اللعبه لين لعب فيها الطفل مل منها,,

المشكله ان كل شخص يستغل شخص اخر ما يحس بشعور الطرف الثاني,, اخذت غايتي ,, خلاص مع السلامه !

لكن الطرف الثاني تلقاه غارق في حزنه بسبب استغلاله بهالصوره ,,

مواقف كثيره تمر على الانسان في حياته اليوميه ,, حتى في شغله او في دراسته

* هل نجد بعض الثعابين تتملكها حقا الحيرة والندم والحزن
والشجن على ما اقترفوا من إيذاء الآخرين,,؟!!


* وهل علينا أن ننفث أحيانا في وجه ذوي القلوب المريضه
والنفوس الدنيئه ليعلموا ان طيبتنا ووداعتنا ليستا ضعفا
أو سذاجه وإنما هي مبدأ أخلاقي وإنساني ..؟؟

*ممكن بعض (الثعابين) تحس يوم ما بلحظه ندم

*لازم (ننفث) دوم في وجه القلوب المريضه والنفوس الدنيئه

تحياتي لج