السلام عليكم
وعوده على صفحتك سراب ..... :avatar:
عشق بدوي...
نويت مرباع الغضي سيد الاحباب
قصدي يزول الجرح زاد التهابه
جيت وبقايا نارهم حول الاطناب
بيت الشعر مطوي وباقي زهابه
اقفت ركايبهم ومني الهدب ذاب
من دمعي يسري والذهل بالاجابه
على غزير الدمع ضميت الاهداب
صديت لين الدمع يكفي سحابه
بعض الوجع يمكن تداويه الاعشاب
وبعض الوجع ياويل منه سطا به
عشق بدوي لحب ماهو بكذاب
يوفي ولو جرحه تجدد صوابه
واليوم وصلت بيننا مثل الاجناب
ذاك الغلا ياضيعته يا سفا به
باكر اذا جينا لهم مثل الاغراب
من عقب ماكنا الاهل والقرابه
الامر لله كل شي لها اسباب
ولا الهوى وش لي على دق بابه
وشلون قلبي مايجي اليوم منصاب
على الرجم منقوش بعض الكتابه
حتى اثر مشيه مع سهول وهضاب
مرٍ يبين ومرٍ مايندرى به
قلبي من الفرقى صويب ومرتاب
كنه غدا نصفين من هول مابه
حزني عليه انه تسبب ولا طاب
نظرة طبيبه عجلت في ذهابه
ريح الخزامى والنفل زين الاطياب
يشدني ريح السمر في ثيابه
لاقبل نسيم الليل له خيل وركاب
وله في طلوع الشمس عز ومهابه
سعد الخريجي .... اتمنى تعجبكم
:rose: