تعزفين الناي بحروف الغرام = وتلمسين الجرح بكفوف السكون
وتعتقين الحب لو عتقه حرام = تذبحينه دمع في خدر العيون
تنزفين أليا بدا الناي الكلام=وتعتقين اللي تعاطا دم نون
في كفوفك جمر واحاته هيام=وفي جبينك سيف له عرشك يصون
في خدودك نرجسٍ زجه عسام=ريحه أجمل من عبق عذب الدخون
ولولوٍ لك لاح من خلف اللثام = يستمد الروح من ثغرٍ فتون
من يصون الروح من سحر الغرام=غير من صان العهد رغم الطعون
بين سكرات المواجع والعظام =ودمٍ أبلا من شغف أربع قرون
من يقول الدرع يلبس والحرام =مع بعض في رحلةٍ واحد تكون
ما خبرت الجرح ينمي من حطام =لين شفته في عيونك والجفون
تشربينه سقم ويشفع لك سقام=وتبعدينه حب ويعزف لك لحون