عذرا للغياب المستمر
وتقبلوها عسى أن تشفع الشئ البسيط
ياشمس هذا الكون ياشعلــة النـــور = ياطهر الأرض وكل منهو عليــها
لوتنظرين بداخلي إنســان مكســـور = حلمه وطن به مهـــرةٍ يعتليهـــــا
أحيان أغيب وأصدم كثــير جمهــور = والمعجبات اللي وروده بيديهــــا
هربت عن واقع مزيف ورى السور = رمى الأماني وجيت لك تحضنيها
جيتك وفيني يختلج أبيـض شعـــور = طهر الزمان ودمعتين أمسحيهـــا
في نجد كانت لي أماني تبي تثــــور = لو وزعت بالأرض ماتحتويهـــــا
عبرتها عابث على دبي مغمــــــور = أدور اللــــي أجهــــل إني أبيهــــا
ياشمس قلبك معبره عشرة سطور = وردت على شريان وصلك خذيهـا
ماعاد لي في نجد غرفــــه ولادور = وإلا القصور اليوم صعب اشتريها
مجبور أعيش الواقع المر مجبور = دام الظــــروف القاسيه تعرفيهــــا
وأنا مجرد حر عايش ومقهـــــور = قصة سجونه لافرغتي أكتبيهــــــا
بالمختصر ياشمس واقف بطابور = ولاأقدر أشري لنفس ماتشتهيهـــا
لأجل كذا قررت أبحث عن النــور = وإذا صدفــتي جثــتي كفنيـــــــــها
عادل الظفيري