بسم الله نبتدى الليله سامرنا فيه القيول
علشان تبقى الليل جميله لازم نصلى على الرسول
-----------------------------------
ضحكه الفجر الحزين
لما ف عنيكى
بلاقى سحر مكه
اجرى واتغسل واحرم
لاجل اصلى ركعه وحده
فوق جبينك
بينى وبينك
عمر متلوث قساوه
ودمعه حضناها السنين
يا ضحكه الفجر الحزين
اشرقى من بين ضلوعى
واكتبى -------
لما اصلى فوق جبينك واعتمر
آيه من سوره يس
ولما يحرقنى الحنين
ارجع واحرم من جديد
وف ليله العيد انتظر
لما تروح كل الحجيج
وافضل اطوف
انا جوه عينك
يمكن الاقى بعد ما سعى
دنيا واسعه جوه قلبك
وجنه بتقولى تعال