مربحآآآآ عزيز الشيف غاليتي الشيفه اكيد كلكم جااين بعد الموضوع متوقعين اني مسويه مفطح بس للاسف الموضوع بعيد كل البعد عن المفطح بس هو مجرد جذب انباهكم اعزائي المشاهدين مو اكثر اليوم عندنآ طبقين حلوين طيبين وسهلين بس ملاحظه كبيره كبر جدار غرفتي شيفتكم ما تعرف واجد بالمطبخ يعني حدي خفايف خفايف واقدر شي اسمه حلآ المنيو 1- كرآت القرفه مع القهوه 2- كوكيز كرآت القرفه المقادير : جبنه كيري (!) كاس وثلاثه آرباع الكاس دقيق علبه قشطه فنجال شاهي مويه (القديمات الصغارموب الكبيره حقآت بو ريالين ) ملعقه كبيره سكر مطحون ملعقه كبيره خميره فوريه (*) سكر ابيض مطحون سكر بني قرفه الطريقه : تاخذين مقادير (!) عزيزتي الشيفه وتعجنينها بالعجانه لين يعطيك شكل العجين المتعارف عليه وتخلينها تخمر سساعتن كامله بدقائقها وثوانيها .. لا عدت الساعه بسلام خوذي قطعه صغيره من العجين وحطي داخلها قطعه صغيره من الكيري وكوريها تقريبا الحبه من الكيري تسوي لك 6 كور بعد ما تخلصين الكميه كلها ابدئي غاليتي بقليها في زيت غزير ونار اقرب للمرتفعه تضمنين انها مستويه وماتنحرق تكوني خالطه مقادير(*) سوا بكيسه صغيره وتأخذين من الحبات وتحطين داخل الكيس وتقدمينها دايكرت مع احلى قهوه عربي وتمتعي بالطعم .. فاصل ونواصل هوون الكوكيز المقادير : نص كاس سكر بني نص كاس سكر ابيض ثلاث أرباع كاس زبده بيضتين كاسين وربع دقيق أبيض ملعقه صغيره بكنج بودر وذرة فانيليا وشوي ملح " كوبين شوكولا هرشي "الحبات موب السائل" 1 جالكسي ساده مقطع قطع صغيره الطريقه : (1)بالخلاط أو مو شرط خلاط ممكن مضرب يدوي أو حتى ملعقه نحط السكر البني والسكر الابيض مع الزبده نستمر بالخلط لين مايصيرون كتله وحده (2)نضيف البيض والفانيليا والملح للخليط السابق ونخلط زييين مره (3)نضيف البكنج بودر للدقيق وبعد كذا بالتدريج نضيفهم للخليط السابق هذي المرحله صعب نستخدم فيها المضرب العادي .. (4)نضيف الشوكولا الهرشي للخليط والجالكسي ونخلط بالملعقه (5)لما يكون الخليط جاهز ~ اللي تبي الخليط لونه بني تضيف كاكو بودره .. ناخذ بملعقه اكل جزء ونحطه بصينيه مدهونه بزيت عشان ما يلزق اهم شي ما نضغطه على الصينيه نخليه كانه كوره وكل ماصغر المقدار طلع احسن ومع حرارة الفرن هو بيتشكل وبيكون على شكل دائرة ما يطول ابد بالفرن من 10 الى 14 دقيقه وبس خلصنا نقاط : الحلا سهل وخفيف ويواجه مع انواع ثانيه مع القهوه اذا بقاله حارتكم ما تبيع سكر بني لا يضيق صدرك ممكن تسوين الحلآ بدونه والسكرالابيض يقوم بالواجب .. الكوكيزمارح اقول اطعم من هارديز وآنوش بس بقول نفسسس الطعم كلكم صلوا ع النبي خلني اخذ من وراكم حسنآت لكل الشيف والشيفات سيآ
:(