عشان اعيشك لابد انك تعاشرني=ولازم تسوي عشان تعيشني ثوره
ليتك تعدل معي صورتك واعذرني=صورتك بي مايله .. ماهيب مكسوره
من بعدك اتعبني التفكير .. واشعرني=في فوضة الحب .. لاخالفت دستوره
اتذكرك بالقصيد وبه تذكرني=وليا كتبتك شعر مالت بي سطوره
واهيم واسج في الذكرى .. وتجبرني=ذكراك .. لو ما لشي النفس مجبوره
مشتاق .. يارجوة العينين تعبرني=محيط وترد لي من سابع بحوره
وليله محببين .. ابيك اليوم تسهرني=ليله قمرها انت .. فيها ساطع نوره
انت الخيال بحنانك كنت تمطرني=ارضي ترى يابسه ماهيب ممطوره
بالحب ياصاحبي ماقول دورني=الحب ماهوب كوكب ,, فيني جذوره
لو ما على شي ابيه الله مقدرني=مشكور سعي القصايد .. وهي مشكوره
يمكني ارتاح لو روحي تغادرني=الروح داخل جسدها ليش مقبوره
ياهيه غض البصر لالا تناظرني=ترى جروح الرجال بسلمهم عوره