(الانذار الثالث)
ثالث نداء عاجل مثل ثالث انـذار=ماعاد عقبه قولت (الله يخليـك)
عنواهن باسم القمر عبر الاقمار=بالهاتف الجوال وصلن لأياديـك
لو اني اعرف مسكنك بأية إديار=حرام مارسل لك مراسيل لآاجيك
ابغى رساله فاضيه تطفي النـار=نار الهيام وهم غيبتـك احاتيـك
كنت اتعشم فيك بارسالة اخبـار=وكلمة تطفّي نار لهفـة محبيـك
وهلحين طمنّي معاد ابغى الاعذار=ولك الوعد ماعاد افكر بطاريـك
وكانك تبينـي لاتـردد وتحتـار=أنا ترى من قبل اشوفك وانا ابيك
وكانه تغلّي خذ على طول الاعمار=لك الغلا وانت الغلا عند مغليـك
بس لاتعذبني على شيء ماصـار=ألاّ اذا تعذيب الاحبـاب يرضيـك
حبك تراه اجتاحني كنّه إعصـار=ويموج بي كني معلّق (تلفريـك)
ويهزّ قلبي مثل زلـزال الأهـوار=وافز لك باحلى منامـي وناديـك
وادوج من كثر الطواري والافكار=كنك معـي ولّا كأنـي مخاويـك
واقوم واجلس مثل حقّين الآثـار=ومن وين مالقيت بالعين ألاقيـك
عجّل قبل يتعب خفوقي وينهـار=مابيك ساعتها.. ولا عاد يمديـك
لشاعر القدير
عبدالله بن طلال العتيبي