[عناوين الدمـوع]

شفت الغروب البارحه ماهو غـروب
....لا والله الا ضيق صدر وكلافـه ! !



,,



كني على دروب الاحاسيس مغصوب
....اعيشها لو هي تطـول المسافـه !
,,

(ماجا مـن الدنيـا مقـدر ومكتـوب
....يرضى به المخلوق لو هو يعافه )! !
,,



حتى الحبيب اللي غدى كلـه عيـوب
....اصبحت ادراي ذكرياته واخافـه ! !
,,



عذروبه اللي كان ماكـان عـذرووب
....في عينه وعين الزمـان وجفافـه ! !




,,



اقفى وخلا ضايق الصدر مرعـوب ؟
....غرقان في بحرالقصيد وضفافـه ! !
,,



يكتب على صدر الورق شيخة العوب
....صارت امانينا جـروح وحسافـه ! !
,,



جروحنا من صوب والحب من صوب
....والقرب طب القلب والبعد آآفـه ! !



,,
يطري علي واتذكر الحـب واذوووب
....والشعر ياخذنـي لبحـره وقافـه ! !



,,
ضميت وايامـي عذاريـب وذنـوب
.... ورويت من مر الزمـان وجفافـه! !

مخرج





(كيف نـفرح.. وحنا كل ليله نـضيق...
. نرمــي أحـلام واقعنـا على أمـالهـا).

************************************************** ********

صح لسانك أخوي صعب..

شاعر مبدع وبينك وبين الجمال عهد وميثاق

نص يقطر عذوبه وجمالا ...

ننتظر منك المزيد من الابداع ..تقبلني هنا تقديري لك