[التميميه]

المشاركة الأصلية كتبت بواسطة جارالله الشدي

السلام عليكم ورحمة الله وبركاته
\
/
\
/
\
/
\

يحرم علي يا بنت الأجواد طاريك=وبابٍ يجيب الريح والله لصكه
لا تحسبين اليوم هذا براضيك=وقصر المحبه بهدمه ثم أدّكه
النفس طابت يوم شانت مواريك=والقلب غادي فيه مليون لكّه
حتى غلاك اللي بقلبي مواليك=نذر عليّه غير أحكه واحكه
ماني أنا اللي لا جفيته يباريك=وقلبي شموخٍ لا غدا فيك شكه
بهجر طريقك .. ببتعد عن أراضيك=وقلبي يسير الدرب من غير سكه
بنسى الغرام وجعل ربي يجازيك= هذي الصراحه.. قلتها اليوم فكه
زيد الغدر وأنا بزيد بتجافيك=دام إن غلانا صايرٍ فيه عكّه
مع السلامه قبل لا أقول ما أبيك=حرام مثلك ساكنٍ وسط مكّه

وسلامتكم

حسبي الله ونعم الوكيل

ياشيخ حرام عليك والله :(

يضيق صدري لاقريت قصايد زي كذا

كلها ابداع وابداع وابداع

احس ان شعري ولاشي

واني لو اعتزل القصيد اصرف

وربي ابداع غير شكل

صح لسانك مليون ولايوفون