قلت انتهينا . . . وانتهى معك ماضيك
لكنّ . . كيف اهدم بقلبي . . . محطتك
جيتك . . بـ متصفح جروحي وناصيك
تلعن بقايا . . ذكرياتي اذا . . . . جتك
تحبني .. !!
تحبني .. !!
تحبني .. !!
تحبني . . . !! ادفن . . بقلبي خوافيك
وأنسى مشاعر حبنا كان . . . مرتك
حنا .. تركنا ما بقى . . في آراضيك
يكفي همومن جاتنا وسط . . . ديرتك
الجرح . . يبقالي . . ويبقى مخاويك
ونبقى نعاني يا زمن في . . . متاهتك
تكفى . . طلبتك . . دامني ميّت فيك
أنسى كلام الحب وأنسى . . . معزتك
ودي . . . تدور لـلفرح في شواطيك
اترك حزن روحك وغني . . لـدنيتك
أقسى على قلبك . . . أذا كان عاصيك
أقسى على أيام الهوى . . . كان خانتك
وأعرف تراني . . . ذاكرك . . وأمتناسيك
وأيام عمري راحله عن . . . مسيرتك
اللي خلق روحك . . خلق لك تواليك
والله يخفف عنك تالي . . . مصيبتك
حالتك . . . ترثي ما بقى من لياليك
ياخي عشاني أرحم اليوم . . . حالتك
الحب دوله . . طاح فيها . . . مبانيك
أنهار . . حظك وأرفع الحين . . . رايتك
ياليت يصفى وقت ماهو . . . مصافيك
ياليت حبك ما أنخلق في . . . حقيقتك
ما كنت أظن الحب حقق . . . بلاويك
ألين شفت الموت شوفة . . . مرايتك
آمنت أنا بالجرح . . . والجرح طاريك
وشلون أبنسى . . تالي الأمر . سيرتك
مرحوم . . قلبن مات . . ما بين أياديك
كم كان يتعذب . . أذا شاف . . . دمعتك
عهدن علي . . أني لسافر . . . وأخليك
وأترك جروح اللي تعب من . . . شقاوتك
يكفي دخيلك . . أوجـعـتـني . . رجاويك
هي غلطة أيامي . . ولاهي . . . بغلطتك
ما جيت أقول أني . . أحبك وناسيك
بس جيت أقول . . أني أبنسى . . . محبتك