[عطر الشوق]

هذهـ القصيدهـ من أروع ماقرأت ..

حبيت أن تشاركوني روعتها وعذوبة كلماتها للشاعر محمد السهلي

البارحه ما بين همي والاوراق . . . . . جر القلم طاروق حزن(ن) يسليه

استرسلت ابيات شعري من اعماق . . . . . الموقف اللي مر وازريت اعديه

موعد لقا مبني على نيه افراق . . . . . كان الاخير وضيق الصدر طاريه

ولاهي غريبه لو أقول الصدر ضاق . . . . . لاكن الاغرب كيف بودعه فيه

كانت دموعه تختنق بين الاحداق . . . . . ونظرات عيني تقتله ثم تحييه

كني جلست اعلمه كيف يشتاق . . . . . وكنه يعلم شعري شلون يرثيه

شح الزمن بموادعه والمسا ساق . . . . . حزن القصايد والعتب والمشاريه

ياليل والله ماورى ليلك اشراق . . . . . النور عانه يسحبه في خطاويه

عشاق قلي ويش او ليش عشاق . . . . . الا ضحايه وقت مدري شسميه

يقطع سنين العشق يا درب الاشواق . . . . . ياليت بيدي شي واقدر اسويه

اتمنى ان تكون راقت لذائقتكم...