.
أميري / فديتك
خلني أفكر عنك شوي ..
يمكن نوصل لشي ..؟!!
وش اللي يسخرك لإنسان بعينه
من بد خلق الله .. يعذب فوادك
يحرقه .. يجرحه ..
وتحبه بحلاه وشينه ..!!
وش اللي يجبرك تشتاق
وتعاني مر الأشواق
وتمر بك الدنيا وحيد ما تقبل غيره
ولا تبتل لك من غيره أرماق ..!!
وش اللي يقلب مواقيتك
نهارك ليل وليلك شمس
لا تطعم ولا تشم ولا تحس
غير من خلال واحد
تمطر الدنيا حب لو لحظة لك يهمس
أحبك وبس / ..!!
وش اللي يذبحك وانت حي ..؟
غير الحب
اللي يسمونه اهبال ..
وسم لهالك الحال
هاه ربك فهمت السالفة
الحين وش هي ..!!