من شوفة السامر معي خط مشبوك
لاجا على التلفاز ضيع صوابي
لانه شبيه اللي على البال متروك
اللي سكن قلبي وحبه سطابي
جظ القلم مع الورق ومعه(ن) البوك
من كثر مااكتب فيه لاواعذابي
غديت مثل اللي مربط ومزنوك
محكوم بالاعدام لانه ارهابي
ادافع العبرات والصدر متكوك
واخفي عن العالم شري لجابي
ماانساه دام العين ترمش وانا اخوك
دام الجسد ماحط وسط الترابي
ليت يحصل لقياه لو يم كركوك
لو فـ آخر الدنيا وامتع شبابي
ابي لقى مكتوب بكتاب وصكوك
في شرع سيدنا عظيم الجوابي
افرك يد(ن) بيد والحال مفروك
لاعاد لي عرفه قرب ذهابي
صح الله السانك اختي انتظار الروقي وقصيدة طيبه من شاعرة عنوانها الجزالة ولا غير. ابدعتي اختي ونحن بانتظار جديدك .
عندي ملا حظة بسيطة على هالبيت :
غديت مثل اللي مربط ومزنوك
محكوم بالاعدام لانه ارهابي
انا لو مكانك قلت :
غديت مثل اللي مربط وممسوك
محكوم بالاعدام لانه ارهابي
طبعا يبقى اختيار اللفظ والمفردة هو رايك الشخصي ولا اعترض عليه ولكن هذا مجرد اقتراح لا غير. حفظك الله اختي.