[التميميه]

المشاركة الأصلية كتبت بواسطة محمد بن حزام

.


السلام عليكم ورحمة الله وبركاته
أخواني .. أخواتي .. أسعد الله جميع أوقاتكم ،،،
================================

يسعدني التواجد بينكم من خلال هذا
النص المتواضع .. فعذراً على التقصير بحقكم وحق الشعر ...
وكل الشكر لـ الأخ القدير محمد الفرحان على كل ما يقدمه ... وبالتوفيق دائما ً إن شاء الله ..

ليل المفارق له بخدّي مواري = وبصدري أضحت له تناهيد واوجاع
لو قلت أداري .. ياخي شلون أداري ؟! = دام الفرح ما بين الأيام قد ضاع
عجزت أدوّر بين الأضلاع داري = واعجزت أداري خافق ٍ بين الأضلاع
ياخي علامك تستحث إنهياري = دامك عليم ٍ بالسوالف والأوضاع
لا تحسب إنّي داله ٍ يوم أواري = دمع ٍ خذا له من على خدّي إقطاع
يومك تسولف مع سكوتي .. أثاري = كل الحزن يلفي وانا آجيه مطواع
المشكله ما جيت بايع وشاري = جيته مشاعر تحتري فلّة شراع
جيته ورجلي تحترق في مساري = جيت وعيوني للمقابيل جيّاع
كنت أدري إنه خارج ٍ عن مداري = لكن أحاسيسي تصوّت بإجماع :
إنه شعور ٍ بالشرايين جاري = وانه أسرني بالحلايا والاطباع
صرت أذكره معْ كل طاري وطاري = وإذا نظرته صرت بالحيل طمّاع
والله ما كان الوضع باختياري = إني أكون بكل الأحوال منصاع
والحين قفّا وابْعدتْه المساري = قفّا ولا ودّعني بقلب وذراع
قفّا وطيفه جاير ٍ في حصاري = أرتاع لا شفته واذا غاب أرتاع
لحّول ياخي لا تزيد إنكساري = لا تطري الذكرى ترى حيل ملتاع
لنّي ليا مني ذكرته أماري = عرق ٍ بقلبي معْ طواريه جزّاع
وآصير ما بين المشاريه عاري = من ضيقة ٍ تجعلني آطفف الصاع
وآسلمه للقلب واعلن قراري = إني عطيته روضة القلب مرباع

أخوكم ومحبكم
محمد بن حزام

استاذي

صدقني ..

كانت الدموع في عيني ابلغ من اي تعبير

صح لسانك