مسائكم ورود جوري وإكليل ياسمين
تتعطر بها قلوبكم النقيه
شاكرة لأختي \ العف الخجول هذا الموضوع
الخفيف علي النفس
والشكر موصول لأخي \ الراجي لأنه أختارني
عسى أن أكون ضيفة خفيفة علي قلوبكم العذبهـ
___________________________
س1/ هل سبق ان سويت عمليه ؟ اذكرها ؟
نعم قمت بعمل 4 عمليات ( لوز\ لحمية \ إزالة للماء من على الرئه \ والرابعه سر مو لازم تعرفون كل شئ )
س2/ موقف محرج او مضحك او محزن حصل لك داخل المستشفى أذكره لنا .؟!
دائماً لما أسوي عمليه من أفتح عيوني أقول لهم أبغي أروح البيت خلاص أنا بخير
والدكتور والدكتوره يضحكون علي يقولون لي طيب إن شاء الله الحين تروحين
ومره لما فقت من البنج كانت فيه الممرضه تقيس لي الحرارة والضغط وكذا
المهم كانت عيونها حيل حلوه
قلت لها عيونك حلوه
انتي اسمك جميله صح هههههههههه
قالت لا اسمي سعيده
قلت لها مو حلو غيريه
عاد هي فهمت ان الاخت خلود لسه ما بعد فاقت من البنج
هذي الاشياء المضحكه
الاشياء اللي تحزن
كنت لازم ادخل العنايه الفائقه بعد العمليه لان عندي حساسيه من البنج
وأتأثر منه
لكن الحمدلله عدت علي خير
<<<<<<<<خبره الاخت في المستشفيات
س3/ تحب تروح للمستشفى أول ماتتعب أو تجلس تتحمل .؟!
لا أبداً ما حبها وأتحمل حيل علي نفسي أهم شئ ما أتواجد هناك
س4/ متى آخر مره مرضت ؟ وش نوع المرض.؟؟!!
قبل شهر وكانت انفلونزا
س5 / متى آخر مره رحت للمستشفى ؟!
قبل شهر
س6/ ماهي فصيلة دمك؟ وهل سبق وان تبرعت بدمك ؟ ولماذا ؟
-O
س7/ تتمنى تسوي عملية تجميل .؟! ولأي عضو من جسمك .؟!
لا ولله الحمد ما يحتاج عمليات إحنا فل وياسمين 
س8/ علاقتك مع دكتور الاسنان ..؟؟
كويسه أزورها بصورة دورية عشان تصير الابتسامه حلوهـ ومنورهـ
س9/ هل تمنيت يوم أن تصبح دكتور ؟ اي تخصص ؟!
لا ما حب أحسه مسؤوليه حيل كبيره
س10/ كلمه لكل مريض.!
ما أراد الله أن يبتليك إلا لأنه يحبك
________________
أتمني ما أكون طولت عليكم
وأختار من بعدي
أختي الحبوبه
زهرة البيلسان
