[أوراق ورديه]

على كثر السنين اللي عرفتك ما عرفتك زين

تمنيت اني ما شفتك ولا لحظه ولا شويه

حسبت انتا وانا نبقى حبايب نبقى احلا اثنين

حسبتك تبقى لي طول العمر مخلص وفي ليه

واثاري حبنا كذبه نسيت العشره في يومين

زرعت الشوك انا بنفسي غرست الهم بايديه

انا ما كنت اظن اللي يحب يحب له شخصين

على بالي انا لحالي وحبيبي يموووت بس فيه

على النيه مشيت وما عرفت امشي معاه لوين

الين الوقت بين لي نوايا غدر مخفيه

تعااال وشوف وش كثر الدمووع اللي تخون العين

كثر ما خانني حظي وعرفتك وانت مو ليه


انا شاللي يصبرني على همي معاك للحين

خلاص ابعد وانا ببعد ولا تسأل ابد فيه

واذا قصدك تبيع وتشتري قلبي انا بحرفين

ابمحي الحب من قلبي واعيشك ذكرى منسيه

اناني مثل ما انت ولا يفرق معاك البين


وانا ماعاد تعني لي وخسااااره فيك ماضيه



/