[قديم الشوق]

المشاركة الأصلية كتبت بواسطة محمد الفرحان

عليـك وجــه الله وعهــده وامـانه= مـايـلحـقـك يـابـنـت منــي مضـّره

اخــاف مـن رب الـبـشــر جل شانه= واخـاف انا من الظلم واخاف شـّره

حقك علـي اعطيـك قـدر ومكـانه= ويشـوف منـي خـافقـك مـايسـّره

دامـك معـي تحـرم عليـك الاهـانه= والـلــي نـواك بضــر والله لضــّره

سـرك حفظتـه مثـل حفظ الأمـانه= وقدرك رفعتـه فوق حبـل المجـّره

دوك امسـكي قلبـي وشـدي عنـانه= وانتي ترى في اللي تسوين حــّره

وعمري خـذيه اليـوم عنـدك رهـانه=ودامـــــه رهـيـن يـديـك لـلـه درّه

ميــانـتـك أكــبـر مـن ايـــة مـيــانه = حـتـى لـو ان اغلى الأوادم تشــّره

الصــدق لامـن حـط في شي زانـه=والكـذب مـرّ الطعـم حلـوه ومـــّره

الرجـل مـرهــون بهـرجــة لســانه=حتى لو ان دنيـــاه قـامـت تـغــّره

ويـافـلان لاتقـسى وتظلـم فــلانـه= دربـك ترى محسوب جــره بجــره

والظــالـم العـربيد مااسرع هـوانه=لوسَـلـْـم مـــره مـاسَـلـَـم كل مــّره

ويابنت لك وجهي ووجهي ضمـانه= مايلحقــك منــي مــن الشـــر ذرّه

.

.


ياسلام ياسلام ياقديم الشوق

قصيدة تقتبس كاملة وتحفظ

احتوت

شيمة إبن العرب

صح لسانك بقدر مافي هذه

القصيدة من جمال . . .

.

.

دمت بقرب وتقبل فائق تقديري
واحترامي

الغالي / محمد الفرحان (ابو مفلح)

ياهلا بك والله وياغلا

من زمان عن هالنور

وألف شكر على مرورك المحمل بالمطر والعطر

وعلى مشاعرك التي محلها سويداء القلب

وأعتذر عن تأخر الرد

وتقبل فائق احترامي وتقديري