بسم الله الرحمن الرحيم
تتساءل (زهور) ويجيبها منظر الشيخ !!!
**** ***** *****
نشوة فقر والليالي بور=وصبح الغنا قطعة(غراره)
ياجور ضحكي وضحك الجور = يا ادغام هالحزن واظهاره
زود التشدد شهادة زور= ياطلة الغم وانواره
يالعنة البوح بالحنجور = للفقر للشعر لاسراره
تنور يا هالصدور تفور = من حزن خوخه وجمّاره
صدقي هزيمه وانا منصور =حقيقتي (كاس .......)
مشكور يافقري المعمور = ثوبي ولا تقطع زراره
اصبحت انا المنهي المامور= اللي جداره بمسماره
شفت الليالي تلف تدور =و(كواكب الحظ ) بواره
صدق المسافه تموت عبور = من دمها تلبس اسواره
(يازهور) قولي لهم يازهور=هذاه فقره كثر (خاره)
قولي لهم هالفتى مسحور =طبه وقلبه بسحاره
واما( انت )ياشيخي المخمور = علقت حلمي بسناره
غريب تسكن وطن مهجور =غريب غريبه اطواره
تموت ماجيت بالطابور = لو لقمة الخبز جباره