يادارنا يادار صقر اليمامه
يادار قرناس تعدا الصقاقير
عبدالعزيز اصل الفخر والشهامه
اللي على صحراء الظما واصل السير
حتى بنا دوله بعزم وصرامه
دوله لها ف الكون شان وتقدير
وفي حكم عبدالله مليك الزعامه
بومتعب اللي يسر الصعب تيسير
الحاكم اللي ماتهنا منامه
لين المواطن صار ضمن المشاهير
اعطى الوطن والشعب كل اهتمامه
والمملكه به في تقدم وتطوير
وقم ياوطنا وارتفع ع الغمامه
عيدك لنا عن ساير اعيادنا غير
عيدك فرح واعياد غيرك ندامه
ثورات واستعمار من غير تفسير
عيدك شموخ وعز عيدك كرامه
امن وسلام وماعلى الشعب تقصير
الله يعيدك بالفرح والسلامه
والارض والاسلام والشعب في خير
للشاعر عبدالله ظافر الشهري
23/10/1432