.
.
اهديها قصيدتي / زفرة اعماقي
واقول لها :
.
.
الحاجز اللي صـار بينـك وبينـي=وانتي بعيـدة دار مقـدر احاكيـك
ماردنـي عـن لهفتـي ياضنينـي=وانا معك يامنوتـي منـك وفيـك
ياللي على دروب الهوى تحترينـي=حسبي على اللي لامني يوم اناجيك
اتعبنـي الجـرح القديـم الدفينـي=وتاهت بي الخطوه وانا في حراويك
ياشمعـة ايامـي وقمـرا سنينـي=ويانور ليلي في الدروب المشاويك
دايم خيالك بيـن جفنـي وعينـي=وعلى رموش العين دايم اراعيـك
يازفـرة اعماقـي ويامحتويـنـي=والله احبك حيل من دون تشكيـك
هاتـي يدينـك تحتويهـا يدينـي=وضمي عروق(ن) بالمحبه تساقيك
هاتي وفاك اللي يسـاوي حنينـي=واعطيك قلب(ن) طول الايام شاريك
ياصرخـة اشواقـي ويامشترينـي=والله لابيع الخلـق كلـه وأشريـك
.
.