//
على انغام الصوت الجريح كتبت هذه
القصيدة اتمنى قبولها كماهي :
ياصاحبي وشفيك عني توارى = تبخل علي بطلتك يغلى انسان
ياللي سحابك في سماي يتبارا = مامطر على قلبي بغيثٍ وهتان
اللي العذارا من جمالك تغارا =ارفق على قلبٍ شفوقٍ وولهان
في غيبتك كل المشاعر حيارا = والليل بغيابك اقضيه سهران
يسقي زمانٍ يوم كنا صغارا = اطفال مانشكي صعوبه وحرمان
اجيك تايه دون احدد مسارا = جيران مايحتاج تحديد عنوان
واليوم نتقاسم غرام الفقارا = اللي تواصلهم يجي احيان واحيان
ضاعت سنين العمر وفات القطارا = وماعاد باقي غير اهات واحزان
ودمتم سالمين