[حمدان الغيثي - موادع]

(

الخيانة تقشعر منها الأبدان الطاهرة و الفطر السليمة .. و لفظها يغني عن ألف مجلد لشرح معناها و تصنيف أنواعها ..!!


)


.. استمـع للقصـيـدة ..

(




وخنتيني .. !!
بعد عامين ..
نسيتيني .. !!
و ياما قلتِ لي تبقين ..
على عهدي ..
قبل عامين ..
تصوني الوعـد ..
تصونيني ..
و إذا ضاقت بك الدنيا ..
و تنكّر أقرب الخلان ..
تلجْـئي لي ..
و ليه اليوم خنتيني ؟؟!!
***
يا أول خطوة بدروبي ..
و أجمل من لفى صوبي ..
نعم مشتاق لك بجنوووون ..
نعم محتاج لك مليوووون ..
تعالي إنشلي قلبي ..
من حْطام الهجر ساعة ..
تعالي كفكفي دْموعي ..
و لثمي نفس ملتاعة ..
أنا في بْعادك أتـألّـم ..
و ماني قادر اتكلّم ..
أخاف يزلزلك حزني ..
و تبكي ..
و أنا ما اتحمّل دْموعك ..
و لكن بسّ جيت اسأل ..
إذا هُو يْحقّ لي أسأل ..!!
ليه اليوم خنتيني ؟!!
***
أنا اللي كنت لك مرسى ..
و شاطي من عشق و احلام ..
و لو عنّك أغيب اف يوم ..
تحلفي الكوووون ذا يقسى ..
تقولي هات لي وردة ..
و حطها بْغرْفتَـكْ .. تذكار ..
و كلْما شفتها بْعينك .. تذكّرني ..
أنا صدقيني ما أنسى ..
ترى صوتك معي باقي ..
و هدايا العيد ..
و اشعارك ..
و تعليقك على اشعاري ..
و دهن العود .. و البسمة ..
و عطرك أحتفظ باسمه ..
و بعد هذا .. تخونيني !!
***
هجرت عمان لاجل انسى ..
لاجل اقسى ..
و قلت : الغربة بتْـنَسّي ..
و صرت اتوهّم النسيان ..
و أثاري الغربة تدمي الجرح ..
تزيد الشوق ..
و لو تنعاني الغربة ..
محال انها تنَسّيني ..
و صرت اليوووم أتـألّـم ..
و أشيل الآآآآآه و اتـرنّـم ..
و يخنقني سؤالٍ مرّ ..
ليه اليوووم خنتيني ؟؟!!


)
(






نعم لم أنساك .. و لا زالت عبارتك شاخصة في أول دفتر أشعاري .. تذكرني بك كلما فتحته !! :

( موادع .. و ياليت لو لم يكن اسمك موادع .. فلربما لن يكون الوداع مصيرنا .. )


\
/

.. مــــ موادع ــــوادع ..:(