اسعد الله اوقاتكم جميعا وسامحوني على القصور
صلوا على النبي.....
حرام أضيع أحلامي على مثلك بشر مخلوق=وحرام أحقق أحلامك في عينك ضعفي أشويه
توقعت الغرام اللي مضا يشفع لنا وتروق=وأثاري ما توقعته سراب أحلام مرثيه
يجوز إني أنا المخطي ويجوز إني أنا المطفوق=ويجوز أحساسي الخايب بدالك صافي النيه
أعذرك وأصنع أعذارك أبيك تحس أبيك تفوق=وأحارب ما يهوجسني وضوي نارها حيه
من أول لا تذكرتك دفعني من غلاك الشوق=جميع الناس تنشدني علام الروح مزويه
أبي ناشدني يتأكد مثل ما للغروب شروق=ترى حتى عروقي فيك بلاها منك مرويه
إلي قالوا تحب أنسان وصفتك للوريد عروق=وإلي قالوا تعشق أحباب رسمتك للنجم ضيه
أنا من زود حبي لك لجل ترضى جهلت حقوق=أشوف بعيني أخطائك ولا خذها بجديه
عشقتك كثر ما لاحت يظالم في سمانا بروق=هويتك وأنت يحلالك عذابي وشوفته غيه
تبي تعرف وش أحساسي لصرت بشوفتك مشفوق؟=تبي تعرف عن أخباري بعد ما تحسن الكيه؟
أبد هي بس في قلبي خناجر من وراها شقوق=خناجر في وسط جوفي في صدري دوم ملويه
أبد هو حرق أو حرقين لا والله تمتليني حروق=من أعلى خصله في راسي إليمن توطي رجليه
مثل ما ذقت أنا منك توقع مني أنت تذوق=ومثل ما كنت تكويني بهجرك بوعدك زيه
لك الله لو تحايلني لوصلك قلت لك محقوق=ثمنها بالعذاب سنين لنفسٍ منك مغليه
سلامتـــــــكم