[أكرم التلاوي]

امتلا المسرح بــَــشرْ
وابتدى العــَرض السـَخيف
وصَــفق الجمهور
0
0
0
وابتــَدت هالمسرحيه اللي حفظناها بــِصـَـم
من يوم كنا صغار

طفله بغابه بيدها سله صغيره وعالشجر عصفور=تسامره لحظـه // ولحظـه تراقـص الأزهـار
تلعب وتقفز ,,, تستريح ,, تلاحـق الـزرزور=تمسك فَراش إطيره // بالنهـر ترمـي حجـار

للجده هي تحمل غدا
مدري عشا
مدري طعام سحور

0
0
0
مدري سرت
عقب الفجر
عند المسا
ولا سرت بنـْـهار

مو شغلنا هـذا تـرى كلـن حفـظ لـه دور=مخرج لهـا هالمسرحيـه // قَسّـم الاقـدار
ذيبن ظهر // بين الشجر // مستأسدن مسعور=كله خبث من حنكتـه كشفـت لـه الأسـرار

سابق خطاها هالخبيث
بفرحته مغمور

0
0
0
( الجده ) ابتلع //
كله ولع //
هم يوصلوا الزوار

غير ملامحه النذل ,, أسدل حجاب النور=نام بسرير الجده اللي بكرشتـه تحتـار
الطفله جات وبيدها خبزن مـن التنـور=للجده يلي شكلهـا // متغيـرن قنطـار
الذيب وليلى حكايتن عدا عليها دهـور=الكل يعرفها أكيد // صغارنا // وكبـار

لكن ّ فينا من فهم
وش هو اللي فيها يدور ؟

0
0
0

ومن هو اللي فينا ما فهم
وش هو اللي فيها دار ؟

ليلى هي بنت العرب متمسكه بسطـور=والجده بغداد الرشيـد موسمـه بالعـار
وأمريكا طبعا ً ذيبنا المستأسد المسعـور=والمخرجه اسرائيل طبعا ً وزعت الادوار

واحنا انوجدنا من خلقنا
بين هالجمهور

0
0
0

اما نصفق او ننوح

بشجب واستنكار