السلام عيكم
أسعد الله أوقاتكم
فـــكـــر و قـــــرر
ياللـي لسانـك للمشاعـر مـدرر=أبطيت بسباتك وأنا أندهك فق..يـا..
يا مالـك الأشـواق للشـوق حـرر=أفواج شوق الحـب ترغـب بلقيـا
ياناطق(ن) بالرفض مخفي المبـرر=لا تتخذ صوتي عـن الصـد تقيـا
أبطيت أعدي لك وأمشـي وأمـرر=إلين صبري مـا بقـى منـه بقيـا
لا تكثر التسويـف فكر..و..قـرر=وقناعـتـك إن المحبـيـن شقـيـا
وجهة نظـر لكـن بهـا لاتـزرر=عندي لحل زرارهـا حلـول نقيـا
حليـن مانـي بإعتقـادي مـغـرر=للحب وصـل؛؛ وللمسابيـب رقيـا؛
وإن مـا امتثلـت العلـم ماينتكـرر=ما عاد لي ظنـون بالوصـل هقيـا
أببتعد مـا دمـت منـك امتضـرر=وعذري نشف ريقي وأنا أرجيك سقيا
لو كان صوتـك للمشاعـر مـدرر=ما فيه حب!! يتم!! من غير لقيـا؛؛
وتقبلوا تحيات أخوكم /
أحـمـد بن نـاحـل