هالليل موحش بدون أحباب لكنّـي
أمسح غبار الغياب بدمعـة أحداقـي
وأروح أخيّط فتوق الذاكـره لأنّـي
أخاف برد الغيـاب يطفّـي أشواقـي
أحاول أفرح مثـل هالنـاس وأغنّـي
لو أكثر الحزن ينبت داخـل أوراقـي
مو ذنبي أن الدروب السـود ودنّـي
يا آخر بقايا الغرام بداخـل أعماقـي
لولا الغلا ماقطعـت البعـد متعنّـي
ولا زبنتك أليا من الفضـاء ظاااقـي
ياللي زبنتك / كفوف الوقت تطعنّـي
حبيس حزني عسى بيدينك أطلاقـي
يا آخر ملاذ الغريب أن خاب بك ضنّي
ماعاد لي رغبةٍ فـي عمـري الباقـي
هالليل كنّه خذى بعض الحـزن منّـي
عزّوا عليّ الوصال وشمـت بفراقـي
.
.
.
الله الله الله
ياصباح الشعر العذب
مصافحه هزت وجداني بدون مجامله
الله عليك
كن بالفين خير يالغالي