[عبدالله الدوسري]

ذا وكاد العلم و إلا مثل قول الراوي=رح بعيد و خل ما بيني و بينك فتره
طاح قلبي من مكانه يالغضي متساوي=وش تبي به دام مالك نيّة في بتره
بعد ما طالت نخيل الود عرشي خاوي=وقّفت ذيك النهور و لا تعدى لتره
ضاق صدري قرّبوا لي جمر عود و جاوي=لحفوني لين هذا الليل يمضي ستره
لا اصبح الصبح ادفنوني يمة البدّاوي=كفنوني في طرف ثوبه و خامة متره
ما احد غيره جرح حالي و لا بيداوي=اشهد ان هموم حالي من فراقه تتره
حط في صدري فراقه صوت ذيب عاوي=كل ما يقبل سواد الليل ينعي وتره
طي قلبي طيّتين فوق طيّ الطاوي=كل ما جيت انقل همومي عزومي فتره