بديت باللي عالمن سر الاعمار = الملهمٍ ايوب صبر وسكينه
الماخذن عمر النبي عقب ماطار = يومن على ظهر الملك ماخذينه
الله يجزي من عنا اليوم للدار = وجانا يعزي في ممات الثمينه
الشمس غابت عن عيوني والانوار = خيّم ظلام الليل وسط المدينه
من غاب زوله عن عيوني والانظار = لليوم افكر والمشاعر حزينه
ابكي ودمع العين عالخد مدرار = يالله تعين الحال يالله تعينه
لا ماتوّفي جدتي كل الاشعار = ام الاحاجي والحكايا السمينه
تذكار مهما دارت سنين تذكار= يبقا خياله في عيوني رهينه
ربي عسا في جنة الخلد له دار = وفي جنة الفردوس تنعم يدينه
وصلاة ربي عد ماصبّت امطار = على نبيه خاتم المرسلينه