سامحوني ان نشرت بعض شجني بين روئعكم
قالو حزنت فقلت ع الحزن معتاد
لو ماحزنت يكون هو يوم عيدي
قالو حزنت فقلت لاحزاني ابعاد
ماهي سوالف تنذكر في قصيدي
احزن عليه احزان من راح ماعاد
حزن عجزت الا احزنه واستزيدي
ياسيدة كل الغلا جمع وافراد
شيدت باحزاني سجوني وقيدي
وخليت من خط القلم قفل واصفاد
ماهمني لو جرحها يعطب ايدي
باهتم من قلبٍ به الشوق وقاد
ماهو لغير الحب نبضه يجيدي
ارجوك لاتقلين باد الهوى باد
دامك بقلب الحب نبض لوريدي
ودامك لروحي وحدك الماي والزاد
ما ابدل هواك ولا ادور جديدي
ماهو جزا للنفس والا بي عناد
لكن حبك ممتلي به رصيدي
اخوكم عبدالله العقيل