[محمد الأسمري]

المشاركة الأصلية كتبت بواسطة هيكل الشمري

بسم الله ابدي يالرجال النشاما = الباري اللي خالق الكون بيام
لا يابو خالد مايفيد الكلاما = البعض سلبط خايف اليوم ينضام
ياما قبلنا الذل ياما وياما = ماعقب قانا يابو خالد بالاجرام
القدس قبله وودعوها حطاما = وبغداد طاحت بيد العلوج الاقزام
مفهومهم معروف ياهل الفهاما = قولو ماقلت الدور الآخر على الشام
ابن اليهودي يدعي بالسلاما = وسلمهم قصف وجزر زايد اعدام
نعزم ونهزم والخلل بالزعاما = اجزم ولزعم هرجهم كله اوهام
شفت العرب يابن الطنايا نياما = واللي صحت عينه من النوم ماقام
منهو يغط الراس مثل النعاما = لا بد مايلفيه وحشن وضرغام
ومنهو سلا عن دين ربه يضاما = ولوّه عزيز النفس تلقاه منضام
الناس به خيرن وفيها شهاما = بس تنتظر قايد على الضد مقدام
باكر يجي نورن يفج الظلاما = ويسود اوجيه العدو طول الايام
وصلاة ربي عالمن بالقياما = على نبي الله تمسك بالختام

ســـاري ---(( هيكل الشمري ))--- القمـــرا

الله عليك الله
لله درك يا شيخ

قصيدة تسطر بماء الذهب

صح لسانك وفكرك .. يالجزل

وافي وافي .. في مبناع ومعناك

لاهنت .. وكل التقدير يا اخوك

محمد الأسمري