[محمد الفرحان]

ياغبن قلبي على ماضٍ تولـى وفـات=والفرصه اللي تهيـت لي وضيعتهـا
ياخيبة الحظ يامتعـس حيـاة الشتـات=ياغربة العمر طـول الدهـر لازمتهـا
علمٌ حصل لي ما اقول انه روته الروات=ولاهي بكذبـة خيـال وقصـه الفتهـا
حبيت فيما مضى شيخة وست البنـات=عشرين عامٍ مضـت لكنـي اشتقتهـا
عشرين عامٍ مضت كم شاف طرفي فتاة=مامربي مثلهـا مـن يـوم فارقتهـا
عيونها السود والا رموشها الذابحـات=ماكنت اعرف الهوى الا حين شاهدتهـا
والا البرد لاتبسـم بيـن ورد الشفـاة=والا الشفق لا خجـل بخـدود داعبتهـا
روضه نديه تعطرهـا زهـور النبـات=يختال فيهـا ربيـع الحسـن لاجيتهـا
وإلا سواليفها وانا استمع فـي سكـات=كن البلابل تصيغ اللحن فـي صوتهـا
وإلا شموسٌ جرت بجبينهـا ساطعـات=تشرق بروحي ليالي السعـد لاشفتهـا
يوم ادبرت جرت الليل الطويل الجهـات=ليله حزينه وضيقـة صـدر عايشتهـا
حسيبي الله على مـن روج الشايعـات=الحاسد اللـي افترى كذبـه وصدقتهـا
من وقتها ماهني طرفي بطيب المبـات=رهن الهواجيس والتفكير مـن وقتهـا
أسري مع الليل والعالم تبـات بسبـات=كم دمعـةٍ ذوبـت جفنـي وسامرتهـا
يالا يمي لا تقول اللي مضى اقفى وفات=فرصه وكانت بيـدي كيـف ضيعتهـا

.

.


الشاعر الرائع

علي الحسني

.

.

اهلا وسهلا بك في منابع الشعر والأدب وكلنا سعاده

بتواجد هذا الاسم بيننا وعسى ان تجد لدينا مايكون

دافعا" لك لتقديم الجديد والمميز وكل ماهو معهود

منك ويكون سببا" في طيب وطول اقامتك بيننا .

والشكر كل الشكر لك على تشريفي بقبول دعوتي

والتواجد في هذا الصرح الذي يفخر بمعانقة ابداعات

المميزين امثالك . .

وياهلا بك ومرحبا بين اهلك واخوانك ومكانك العيون

والقلوب قبل المنتدى . . .

.

.


حضور للترحيب وسيكون لي عودة الى هذه الرائعة

ان شاء الله .

.

.


تقبل فائق تقديري واحترامي